luns 17 febreiro 2020

O KENYANO HOSEA KIPLIMO LEVA O TRIUNFO E BATE O RÉCORD DA PROBA (Fonte: www.elidealgallego.com)

Nunha mañá marcada polos refachos de vento, o fondista kenyano  Hosea  Kiplimo non só proclamouse campión da duodécima edición da  Meda Maratón Coruña21, senón que ademais bateu o récord da proba. O antigo rexistro estaba nunha hora, dous minutos e 57 segundos. E o novo sitúase bastante por baixo (unha hora, dous minutos e 30 segundos).

É máis, o segundo clasificado,  Vestus  Cheboi, tamén batese o récord, se non chega a ser porque o seu compatriota foi máis rápido. Acabou en 1 h.02:44. Completou o  triplete kenyano  Edwin  Kipruto, xa moi afastado do dúo de cabeza con 1 h.05:30.
A continuación acabaron dous atletas marroquís, que non puideron seguir o forte ritmo  dos que pisaron o podio. Así, a máis dun minuto do terceiro entrou na meta  Jaouad  Chemlal (1 h.06:33).
Máis emocionante foi a pelexa pola quinta praza, que finalmente foi para  Hicham  Oualla (1 h.07:43), por diante do primeiro español e galego da proba, Manuel Furtado (1 h.07:54).
Con respecto á competición feminina, a vitoria correspondeu á atleta estremeña Mónica Gutiérrez.
Gran carreira da de  Zafra, cun meritorio décimo sexto posto da clasificación absoluta. O seu tempo foi dunha hora, trece minutos e 37 segundos.
Por iso, non resultou estraño que non tivese problemas para facerse coa primeira posición. Houbo que esperar case catro minutos para ver cruzar a meta á segunda clasificada, a marroquí  Asmae  Ghizlane (1 h.17:32).
A portuguesa Marisa Barros pechou o podio feminino do media maratón, con 1 h.18:09.
A mellor galega foi a aresá Paula  Mayobre, que finalizou na quinta praza.