O Concello da Coruña e a Federación Galega de Atletismo organizarán o 16 de febreiro de 2020 na Coruña a XII Media Maratón Coruña21, cunha distancia homologada de 21.097,50 metros. A proba, incluída no calendario oficial das competicións da FGA e a RFEA, disputarase a través dun circuíto totalmente urbano. O percorrido está medido e homologado pola Real Federación Española de Atletismo e discorre sobre asfalto na súa totalidade. A ruta estará debidamente sinalizada e terá marcados todos os quilómetros
A proba comezará ás 10:00 a.m. e a liña de saída estará situada na altura do Obelisco, no Cantón Grande.
NESTA EDICIÓN MEDALLA FINISHER
INSCRICIÓN: Ata o domingo 9 de febreiro.
ENTREGA DE DORSAIS E CAMISETAS: Poderán recollerse no Departamento de Deportes de El Corte Inglés localizado no Centro Comercial Marineda City nos seguintes días e horarios:
- Venres 14 de febreiro de 2020, de 17.00 a 22.00 horas
- Sábado 15 de febreiro de 2020, de 10.00 a 21.30 horas.
- De maneira extraordinaria, facilitarase a recollida dos dorsais o mesmo día da carreira, domingo 16 de febreiro, na zona saída/meta situada no Cantón Grande, á altura do Obelisco no seguinte horario: Domingo 16 de febreiro de 2020: 08:45 a 09:45 horas. Prégaselles ás persoas participantes que procuren, na medida do posible, recoller previamente o dorsal para evitar aglomeracións.