O Concello da Coruña e a Federación Galega de Atletismo organizarán o 8 de outubro de 2023 na Coruña o X Maratón Atlántica Coruña42, cunha distancia homologada de 42.195 metros, que coincidirá co Campionato de Galicia Absoluto e de Veteranos Individual e de Clubs, incluído no calendario nacional da RFEA. Realizarase, en paralelo, unha proba de 10 km.
A proba, incluída no calendario oficial das competicións da FGA e a RFEA, disputarase a través dun circuíto totalmente urbano.
CONTROL TÉCNICO DA CARREIRA: A carreira estará controlada polo Comité Nacional de Xuíces da RFEA e o Comité Galego de Xuíces da FGA.
INSCRICIÓN: ata as 23.59 horas do 1 de outubro de 2023.
ENTREGA DE DORSAIS E CAMISETAS:
Poderanse recoller, durante o desenvolvemento da ExpoRunning Coruña42, nos seguintes días e horarios:
- Venres 6 de outubro de 2023, de 17.00 a 21.30 horas
- Sábado 7 de outubro de 2023, de 10.00 a 20.00 horas.
A bolsa do corredor/a recollerase conxuntamente co dorsal e por estrita orde de chegada. A organización non pode garantir o talle debido a que se realiza o pedido de camisetas con anterioridade ao peche de inscricións.